දකුණු පළාතේ රජයේ සේවා සඳහා Govpay පහසුකම
දකුණු පළාතේ සියලුම දිස්ත්‍රික් සහ ප්‍රාදේශීය ලේකම් කාර්යාලවල සේවා සඳහා Govpay යෙදවුම ඔස්සේ මුදල් ගෙවීමේ පහසුකම හඳුන්වා දී තිබේ. මෙම නව ක්‍රමය මඟින් මහජනතාවට පහසුවෙන් තම ගෙවීම් සිදු කිරීමේ අවස්ථාව සැලසී ඇත.
මෙම පහසුකම දැනට මාතර, ගාල්ල, සහ හම්බන්තොට යන දිස්ත්‍රික් ලේකම් කාර්යාල තුනම ආවරණය කරයි. මීට අමතරව, එම දිස්ත්‍රික්කවල පිහිටි ප්‍රාදේශීය ලේකම් කාර්යාල 50ක් ද මෙම නව ක්‍රමය යටතට ගැනේ. ඒ අනුව, මාතර දිස්ත්‍රික්කයේ ප්‍රාදේශීය ලේකම් කාර්යාල 16ක්, ගාල්ල දිස්ත්‍රික්කයේ ප්‍රාදේශීය ලේකම් කාර්යාල 22ක් සහ හම්බන්තොට දිස්ත්‍රික්කයේ ප්‍රාදේශීය ලේකම් කාර්යාල 12ක් ද ඇතුළුව සමස්තයක් ලෙස දකුණු පළාතේ සියලුම ප්‍රධාන රජයේ ආයතනවලට Govpay හරහා මුදල් ගෙවීමේ හැකියාව ලැබී ඇත.
මෙම ක්‍රමය මගින් රාජ්‍ය සේවාවන් වඩාත් කාර්යක්ෂම සහ විනිවිදභාවයෙන් යුක්ත වනු ඇතැයි අපේක්ෂා කෙරේ.
