අසර්බයිජාන් රටේ රැකියා ලබා දෙන බවට පොරොන්දු වෙමින් ලක්ෂ 12ක මුදලක් වංචා කළ බවට චෝදනා ලබන සැකකරුවෙකු පොලිසිය අත්අඩංගුවට ගෙන ඇත.
අත්අඩංගුවට පත්ව ඇත්තේ වයස අවුරුදු 41ක් වන කදුරුවෙල ප්‍රදේශයේ පදිංචිකරුවෙකි. හැටන් විශේෂ අපරාධ විමර්ශන අංශයට ලැබූ පැමිණිල්ලක් අනුව ඔහු අත්අඩංගුවට ගෙන තිබේ.
පොලිස් විමර්ශනවලින් අනාවරණය වී ඇත්තේ, මෙම සැකකරු සමාජ සේවා කටයුතු කරන පුද්ගලයන්ගේ විශ්වාසය දිනා, ඔවුන් නමින් බැංකු ගිණුම් අරඹා එමගින් මුදල් බැර කරවාගෙන වංචා කිරීමට යෙදුණ බවයි.
ඒ අනුව, හැටන් ප්‍රදේශයේ පමණක් ඔහු ලක්ෂ 250ක් පමණ වංචා කළ බවත්, දිවයිනේ අනෙකුත් ප්‍රදේශවලද මෙවැනි වංචා සිදු කර ඇති බවත් දැනට අනාවරණය වී ඇත.
මෙම වංචාවලට හසුවූ පුද්ගලයින් 0094716907033 යන දුරකථන අංකයට දැනුම් දෙන ලෙස පොලීසිය ඉල්ලා සිටී.