කොලොන්නාවට නව තෙල් ටැංකි 6ක් ඉදිකිරීම ඇරඹේ
කොලොන්නාව තෙල් ගබඩා සංකීර්ණය තුළ තවත් නව තෙල් ටැංකි හයක් ඉදිකිරීම අද (17) දින ජනාධිපති අනුර කුමාර දිසානායක මහතාගේ ප්‍රධානත්වයෙන් ආරම්භ විය.
මෙම ව්‍යාපෘතිය මඟින් මෙරට තෙල් සංචිත ධාරිතාව ඉහළ නැංවීම අපේක්ෂා කෙරේ. ලංකා ඛනිජ තෙල් නීතිගත සංස්ථාවේ සභාපති ඩී. ජේ. රාජකරුණා මහතා සඳහන් කළේ, ඉදිකිරීමට නියමිත ටැංකි අතර, ලීටර් 15,000ක ධාරිතාවයෙන් යුත් ටැංකි තුනක්, ලීටර් 7,000ක ටැංකි දෙකක් සහ ලීටර් 5,000ක එක් ටැංකියක් ඇතුළත් බවයි. මෙම ව්‍යාපෘතිය අවසන් වූ විට තෙල් ගබඩා සංකීර්ණයට ලීටර් 64,000ක අමතර ධාරිතාවක් එකතු වනු ඇත.
මෙම ව්‍යාපෘතිය රටේ බලශක්ති සුරක්ෂිතභාවය තහවුරු කිරීමට වැදගත් පියවරක් වනු ඇත.
