හරාරේ ක්‍රිකට් ක්‍රීඩාංගනයේදී පැවති පළමු එක්දින තරගයේදී ශ්‍රී ලංකා සංචාරක කණ්ඩායම සිම්බාබ්වේ කණ්ඩායමට කඩුලු 7කින් ජයග්‍රහණය කිරීමට අද (29) සමත් විය.
299ක ඉලක්කය ලබාගැනීමට පිතිබැසූ සිම්බාබ්වේ කණ්ඩායම පන්දුවාර 50 අවසානයේදී කඩුලු 8ක් දැවී ලකුණු 291ක් ලබාගත්තේය. අවසන් පන්දුවාරය දක්වාම තරගය තරඟකාරී වූ අතර, අවසන් පන්දුවාරයේදී අවශ්‍ය ලකුණු 10කින් වෙන්ව සිටි සිම්බාබ්වේව, දිල්ෂාන් මදුසංඛගේ විශිෂ්ට පන්දු යැවීමේ දක්ශතාවය මත පරාජයට පත් විය.
මදුසංඛ එම අවසන් පන්දුවාරයේදී සාර්ථක පිතිකරණයක් දක්වමින් සිටි සිකන්දර් රාසා (92) ඇතුළු කඩුලු තුනක් දවාගනිමින් ජය ශ්‍රී ලංකාව දෙසට හරවාගත්තේය.
සිම්බාබ්වේ කණ්ඩායම වෙනුවෙන් Sikandar Raza ලකුණු 92, Ben Curran 70, Sean Williams 57 සහ Tony Munyonga නොදැවී ලකුණු 43 ලබාගත්හ.
පන්දු යැවීමේදී ශ්‍රී ලංකාව වෙනුවෙන් අසිත ප්‍රනාන්දු කඩුලු 3ක්, කමිඳු මෙන්ඩිස් එක් කඩුල්ලක් ලබාගත්තේය.
