චීනය විසින් තම සමීප රටවල් සමග එක්වී හමුදා පෙළපාලියක් සංවිධානය කිරීමේ පසුබිමක, අමෙරිකානු ජනාධිපති ඩොනල්ඩ් ට්‍රම්ප් දැඩි කෝපයට පත්වූ බව විදෙස් මාධ්‍ය වාර්තා කරයි.
ට්‍රම්ප්ගේ ප්‍රතිචාරය අනුව, චීනය, රුසියාව සහ උතුරු කොරියාව එක්වී අමෙරිකාවට එරෙහිව කුමන්ත්‍රණයක් සිදුකරන බවට ඔහු චෝදනා කර තිබේ. ඔහුගේ සමාජ මාධ්‍ය ගිණුම් හරහා මෙම චෝදනාවන් ප්‍රකාශයට පත් කරන ලදී.
තවද සම්මුඛ සාකච්ඡාවකදී ට්‍රම්ප් පැවසූයේ, ලෝකයේ තිබෙන ශක්තිමත්ම හමුදාව අමෙරිකාව සතුව ඇති අතර චීනය කිසි විටෙකත් එම හමුදාවට සෘජු හෝ අප්‍රත්‍යක්ෂ තර්ජනයක් සිදු නොකරනු ඇති බව තමන් විශ්වාස කරන බවයි.
මෙම ප්‍රකාශය හරහා ට්‍රම්ප් යළිත් එක් වරක් ලෝකයට මතක් කළේ අමෙරිකානු යුද බලවේගයේ ශක්තිය හා අභියෝගයන්ට මුහුණ දීමට ඇති සූදානම බව විශ්ලේෂකයින් පෙන්වා දෙයි.
